२०७७ माघ ४, आइतबार

न्हुगु संकिपा रिलिज मजुया हलथुवापिन्त घाटा

शोभा श्रेष्ठ | थिंंलागा सप्तमी ११४१, मंगलवाः २१ गते

सरकारनाप ‘विद्रोह’ याना सञ्चालन याना च्वंगु सिनेमा हल थुगु इलय् घाटां चले जुयाच्वंगु दु। सिनेमा हल खुले जुसा न्हुगु संकिपा रिलिज मजुया हल घाटाय् न्ह्याना च्वने माःगु दु। गुगु महिना तक सिनेमा हल बन्द जुया निगु अर्ब नोक्सानी जुगु धका हल सञ्चालक याःगु खःसा दर्शक अभावं हाकनं घाटाया सामाना याये माःगु दु।

नेपाःया हे तधःगु  मल्टिप्लेक्स क्यूएफएक्स चेनया प्रमुख कार्यकारी निर्देशक रोशन अडिगा न न्हगु संकिपा रिलिज मजुया हे हल घाटाय् सञ्चालक याना च्वने माःगु धका धाःगु दु । हलय् दर्शकय् हे मवया सो क्यान्सिल याये माला च्वंगु दु धका धाःगु खः। दर्शक कोरोना खःना ग्याःगु मखुसे न्हुगु संकिपा रिलिज मजुया दर्शक मवःगु खः धका वयकलं धयादीगु खः।

नेपाली चलचित्र निर्मातापिन्स धाःसा हलय् दर्शक वयेगु सुरु जुलकि जक थःपिनिगु संकिपा रिलिज यायेगु तयारी याये धका धाःगु दु। हलय् दर्शकपि अप्वोकेत हिन्दी वा अंग्रेजी संकिपा हे पिइ मालेगु बाध्यता दु धका हल सञ्चालपिन्स धाःगु दु।

Categorized in मनोरन्जन