काँग्रेस कार्यसमितिया म्याद ६ला तन, १४क्वःगु महाधिवेशन न्हूगु मितिइ याइगु
सिल्लाथ्व सप्तमी ११४१, फागुन ७ शुक्रवाः
नेपाली काँग्रेस केन्द्रीय कार्यसमितिया म्याद ६ तंगु । पार्टीं १४क्वःगु महाधिवेशन भदौ ७ निसें १० गतेतक येँय् याइगु जूगु दु ।
म्हिगःच्वंगु केन्द्रीय समितिया मुँज्यां १४क्वःगु महाधिवेशनया ज्याधलः क्वःछ्यूगु दु । मुँज्यां थ्वसिवे न्ह्यः क्वःछ्यूगु क्वयेया तहया अधिवेशनया ज्याधलः हिलेगु अले केन्द्रीय महाधिवेशन भदौ ७ निसें १० गते तक येँय् यायेगु निर्णय याःगु खः ।
काँग्रेसं महाधिवेशन न्ह्यः क्रियाशील सदस्यता विवरणया तयारी यायेत केन्द्रीय क्रियाशील सदस्यता छानविन समिति दयेकूगु दु ।
मुँज्यां केन्द्रीय दुजः रमेश लेखकया कजीसुइ केन्द्रीय दुजः आनन्द ढुंगाना, जीवन परियार, श्यामकुमार घिमिरे, प्रदीप पौडेल, कल्याणकुमार गुरुङपिन्त दुजः दयेकूगु दु । थ्वहेदथुइ महाधिवेशनया मिति क्वःछ्यूगुनाप काँग्रेसया शीर्ष नेतातय्गु सक्रियता अप्वःगु दु । वरिष्ठ नेता रामचन्द्र पौडेल प्रदेश १ व २ या तराईया जिल्लाय् झाःगु दु । नेता पौडेलं थ्वहे फागुन १३ गतेतक थीथी क्षेत्रय् जुइगु ज्याझ्वलय् थःलिक्कया कार्यकर्तापिन्त सम्बोधन याइगु धागु दु ।
नेता पौडेल, थौं न सुनसरीया धरानय् हुने ज्याझ्वलय् सहभागी जुइगु वय्कया सचिवालयं जानकारी ब्यूगु दु । प्रधानमन्त्री केपी शर्मा ओलीं पुस ५ गते प्रतिनिधिभा विघटन यायेवं नेता पौडेल सक्रिय जुयादीगु खः ।
वय्कया दबाबय् कांग्र्रेसं संसद् विघटनविरुद्ध सडक आन्दोलन याःगु खः ।
Categorized in राजनीति
