कांग्रेसं थौं वडास्तरय् ब्वज्या याइगू
पोहेलाथ्व अष्टमी ११४१, माघ ८ विहीबाः
निधिसभा विघटनया विरोधय् नेपाली कांग्रेसं थौं वडास्तरय् ब्वज्या यायेत्यंगु दु ।
देय्न्यंकंया ६द्व ७सः व ४३गुलिं वडाय् थौं विरोध ब्वज्या यायेगु धकाः नेपाली कांग्रेसं धागु दु ।
संसद् विघटनया पलाःयात असंवैधानिक व अलोकतान्त्रिक ठहर यानाः नेपाली कांग्रेसं पुस १३ गते सछि व ६५गु निर्वाचन क्षेत्र, पुस २५ गते ३सः व ३०गु प्रदेशसभा निर्वाचन क्षेत्र अले माघ ३ गते ७सः व ५३गु पालिकाय् विरोध ब्वज्या याःगु दु ।
आ वडा स्तरीय ब्वज्याय् न ब्वति कायेत कांग्रेसया सभापति शेरबहादुर देउवां पार्टीया सकलें कार्यकर्तापिन्त अपिल यानादिल ।
Categorized in राजनीति
