राष्ट्रपति विद्या भण्डारीपाखें प्रतिनिधिसभाया अधिवेशन अन्त्य
लहानान्युज | चौलाथ्व सप्तमी ११४१,बैसाख ६ सोमवाः
राष्ट्रपति विद्या भण्डारीं प्रतिनिधिसभाया अधिवेशन अन्त्य यानादिगु दु ।
मन्त्रिपरिषद्या सिफारिसय् राष्ट्रपति विद्यादेवी भण्डारीं थौं न्हिनसिया १ ताः ईनिसें संसद अधिवेशन अन्त्य यानादिगु खः ।
थ्वसिबें न्ह्यः थौं च्वंगु मन्त्रिपरिषद् बैठकं अधिवेशन अन्त्यया नितिं सिफारिस याःगु खः । कन्ह्येया लागि संसद मुँज्या च्वनेगु तयारी जुयाच्वंगु ईलय् सरकारं थौं हे संसद अधिवेशन अन्त्यया नितिं सिफारिस याःगु खः ।
वंगु पुस ५ गते विघटन जुया सर्वोच्च अदालतया फैसलालिपा फागुन ११ गते पुनःस्थापित प्रतिनिधिसभाया अधिवेशन फागुन २३ गतेनिसें न्ह्याःगु खः ।
संसदं थ्व दथुई छुं नं कथंया ज्याः यायेमफुसेंलि बजेट अधिवेशनयात ग्याप तयेत सरकारं न्ह्यानाच्वंगु हिउँँदे अधिवेशन अन्त्य यायेत राष्ट्रपति समक्ष सिफारिस याःगु खः ।
जेठ १५ गते बजेट हयेमाःगु व वयांन्ह्यः सरकारया नीति लिसें ज्याझ्वः पेश जुइगु जुगुलिं बर्खे अधिवेशन याकनं सःतिइगु खनेदु ।