एथलेटिको बिल्वाओ कोपा डेल रेया सेमिफाइनलय्
पोहेलागा अष्टमी ११४१, माघ २३ शुक्रवाः
पेनाल्टी सुटआउटय् रियल बेटिसयात ४–१ गोल अन्तरं बुकाः एथलेटिको बिल्वाओले कोपा डेल रेया सेमिफाइनलय् थ्यंगु दु ।
सेभियाय् वंगु चान्हय् जूगु कासा १–१गु गोलया ज्वलिंज्वः जूगु खः । अनलिं कासाय् पेनाल्टी सुटआउट याकेब्यूगु खः ।
बिल्वाओया राहुल गार्सिया, इनाकी विलियम्स, जोन मोर्सिलो व युरी बर्चिचें गोल याःबलय् रियल बेटिसया एइसा मान्डीं जक गोल याःगु खः । सर्जियो केनालेस व जुआनमीं गोल यायेमफुत ।
थ्वसिवे न्ह्यः कासाया ८४गूगु मिनेटय् जुआनमीया गोलमार्फत रियल बेटिसं कासाय् अग्रता दयेकूगु खः ।
इन्ज्युरी ईया थप याःगु प्यंगूगु मिनेटय् राहुल गार्सियां इनिगो मार्टिनेजया पासय् गोल यानाः कासाया ई ताःहाकः याःगु खः । अनलिं कोपा डेल रेया सेमिफाइनल समिकरण पूवंगु खः ।
थ्वसिवे न्ह्यः सेभिया, लेभान्टे व बार्सिलोनां लिपांगु प्यंगूगु थाय् सुरक्षित याःगु खः ।
Categorized in कासा
