‘कोपा डेल रे’ या उपाधि सोसिडाडं त्याकल
चिल्लागा सप्तमी ११४१, चैत्र २२ गते आइतबाः
थुगुसिइया स्पेनिस ‘कोपा डेल रे’ फुटबल धेंधेंबल्लाया उपापिभ रियाल सोसिडाडं त्याकुगु दु ।
वंगु चान्हय् जूगु फाइनल कासाय् एथ्लेटिक बिल्बाओयात १–०या गोल अन्तरं बुका सोसिडाडं ३४दँ लिपा कोपा डेल रे या उपाधि त्याकुगु खः ।
कासाय् सोसिडाडयात त्याकेत मिकेल ओयरजबालं ६३गूगु मिनेटय् पेनाल्टीमार्फत निर्णायक गोल याःगु खः ।
कोपा डेल रे या थुगु उपाधि थ्वयान्ह्यःया सिजनया उपाधि खः । कोरोना माहामारीं थगुने दिउगु धेंधेंबल्ला थुगुसिइ न्ह्यागु खः । चालु सिजनया कोपा डेल रे या फाईनलय् बिल्बाओं बार्सिलोनालिसे धेंधेंबल्ला यायेत्यंगु दु ।
उगु कासा वइगु १७ तारिखय् जुइ ।
Categorized in कासा
