कोरोना भाइरस संक्रमितया ल्या १०गू करोडसिबे अप्वलः
पोहेलाथ्व पुन्हि ११४१, माघ १५ बिहीवाः
कोरोना भाइरसं हलियंकं संक्रमित जूपिनिगू ल्या १०गू करोडसिबे अप्वःगु दु । सन् २०१९ या डिसेम्बरय् चीनया वुहान सहरं न्ह्याःगु थुगु भाइसरसया संक्रमणं आः वया हलिंयंक हे थुकिया लिच्वः लानाच्वंगु दु ।
आःतक १०गू करोड ९गू लखसिबे अप्वः मनुतय्त थ्वः भाइरसं संक्रमित जुयाच्वंगु दु । अथेहे ७गू कराड २९गू लखःसिबे अप्वः संक्रमणपाखे मुक्त न जूगु दु ।
तर २१गू लखः ६९द्वः सिबें अप्वः मनुत कोरोना संक्रमणया हुनि सीगु दु । दकले अप्वः अमेरिकाय् निगू करोड ६०गू लखः सिबें अप्वः मनुत कोराना संक्रमित जुयाच्वंगु दु धाःसा आःतक्क प्यंगू लखः ३५द्वः सिबें अप्वः मनुत सीधुंकूगु दु । कोरोनाबाट प्रभावित निगूगु देय् भारत खः । अन आःतक्कया दुने १गू करोड ६९ लखः मनुत कोरोना भाइरस संक्रमण जूगु दु ।
कोरोनाया हुनिं भारतय् १गू लख ५३द्वः मनुत सीधुंकूगु दु । ब्राजिलय् आःतक्क ९गू लखः ३६द्वः कोरोना भाइरस संक्रमण जूगु दु । सीपिनिु ल्याः २गू लख १८द्वः थ्यंगु दु ।
