कोरोना सङ्क्रमणं अस्पताल भर्ना जुम्ह छम्ह नेपालीया उपचारया झ्वलय् मस्तिष्काघातपाखे मन्त।

ताप्लेजुङ जिल्ला सिकैँचाया स्थायी छेँ दुम्ह ताःर्यनिसे बेलायतय् च्वना वयाच्वम्ह प्राज्ञिक व्यक्तित्व नाप भूपू गोर्खा सैनिक प्रा डा चन्द्र लक्सम्बाया बेलायतय् च्वंगु फार्नबरा फ्रिम्ली अस्पतालय् मन्त। कोरोना सङ्क्रमण जुया वःगु माघ ५ गते अस्पताल भर्ना जुम्ह वयात मस्तिष्काघात जुया भेन्टिलेटरय् तया उपचार यानावया च्वम्ह खः ।

उच्च रक्तस्राब जुगु कारण शल्यक्रिया याये मफुगु व बचे यायेगु मेगु छुन उपाय मदुगुलि धका अस्पतालं वयागु परिवारयात धाःगु खः । गोर्खा सैनिकपाखे अवकास लिपा निदँ अक्सफोर्ड विश्वविद्यालयय् अनुसन्धान सहायकया रूपमा ज्या यानावया च्वम्ह ५९ दँ दुम्ह लक्सम्बां सन् २००६ निसे २००९ तक नेपाल अध्ययन केन्द्र, युकेय् बेलायतय् च्वनो नेपालीपिनिगु गणना परियोजनाय् संयोजकया रूपय् ज्या यानादीम्ह खः।

Categorized in अन्तर्राष्ट्रिय