वःगु २४ घण्टाया दुने देयन्यक ५९ म्हेसित कोरोना संक्रमण पुष्टि जुगु दु ।

२ हजार ७१५ म्हेसित नमुना परीक्षण यागुलि २५ म्ह मिसा व ३४ म्ह मिजंपिन्त कोरोना भाइरसया संक्रमण खनेलगु दु धका स्वास्थ्य तथा जनसंख्या मन्त्रालयं धाःगु दु ।

थ्व नाप नेपालय् कोरोना संक्रमितपि आःतक २ लाख ७४ हजार ८६९ म्ह थ्यःगु दु । उकि मध्ये मंगलवाः थप छम्ह सीगु दु । अथेहे ३ हजार १२ म्ह सी धुकुगु दु ।अथेहे वःगु २४ घण्टाय् ६० म्ह कोरोनामुक्त जुइ धुकुगु दु । थ्व नाप आःतक कोरोनामुक्त जुपि २ लाख ७० हजार ९८७ म्ह कोरोना संक्रमणमुक्त जुइ धुकुगु दु। आःतक देयन्यकसक्रिय संक्रमितपि ८७० म्ह दु धका मन्त्रालयं धाःगु दु । 

Categorized in राष्ट्रिय