कोरोना खोप अभियान अन्तर्गत नेपालय् आःतक छगु लाख २८ हजार स्वया अप्वोसिया खोप काये धुकुगु दु ।

थौं मङ्गलवाः बहनि तक छगु लाख २८ हजार ६५० म्हेसिया कोरोना भाइरस विरुद्धया खोप काये धुकुगु दु धका स्वास्थ्य तथा जनसङ्ख्या मन्त्रालयं धाःगु दु।

आःतक प्रदेश नम्बर १ य् १७ हजार २८७, प्रदेश नम्बर २ य् १६ हजार १७३, वाग्मतीइ ४५ हजार ३४५ म्हेसिया खोप काये धुकुगु दु धका मन्त्रालयया प्रवक्ता डा. जागेश्वर गौतमं जानकारी बियादीगु दु।

अथेहे गण्डकीइ १६ हजार २७०, लुम्बिनीइ १७ हजार ९७९, कर्णालीइ ६ हजार ६६० व सुदूरपश्चिमय् ८९३६ म्हेसिया खोप काये धुकुगु दु।

Categorized in राष्ट्रिय