वःगु २४ घण्टाया दुने थप १२५ म्हेसित कोरोना भाइरस (कोभिड १९) संक्रमणया पुष्टि जूगु दु ।

देयन्यकया प्रयोगशालाय् ३ हजार ८३८ म्हेसिगु नमुना परीक्षण यागुलि ४८ म्ह मिसा व मिजंपि ७७ म्ह याना १२५ म्हेसित संक्रमण पुष्टि जूगु दु ।

थ्व नाप आःतक कुल संक्रमित ल्याः २ लाख ७३ हजार ७० म्ह थ्यःगु दु। उकि मध्ये २ लाख ६९ हजार ३९४ म्ह संक्रमणमुक्त जूगु दु ।

अथेहे २०५५ म्ह सी धुकुगु दु धका स्वास्थ्य तथा जनसंख्या मन्त्रालयं धाःगु दु । आःतक देयन्यक १ हजार ६२१ म्ह सक्रिय संक्रमितपि दु ।

उकि मध्ये ९९१ म्ह होम आइसोलेसनय्, ६१ म्ह आईसीयूय् व १३ म्ह भेन्टिलेटरय् उपचार जुया वयाच्वंगु दु धका मन्त्रालयं धाःगु दु ।

Categorized in राष्ट्रिय