वःगु २४ घण्टाया दुने थप २५९ म्हेसित कोरोना संक्रमण पुष्टि जुगु दु धका स्वास्थ्य तथा जनसंख्या मन्त्रालयं धाःगु दु।

थ्व नाप आःतक नेपालय् २ लाख ६४ हजार ७८० म्हेसित संक्रमित जुइ धुकुगु दु। अथेहे वःगु २४ घण्टाय् ५१३ म्ह कोरोना संक्रमण मुक्त जुया छेँय् लिहावःगु दु। थ्व नाप आःतक २ लाख ५८ हजार ४४१ म्ह थ्यःगु दु ।

देयन्यक सक्रिय संक्रमितपि ४ हजार ४४२ म्ह दु। मन्त्रालयया कथं आःतक पीसीआर विधिपाखे १९ लाख ८२ हजार २४६ म्हेसित परीक्षण याये धुकुगु दु ।

अथेहे वःगु २४ घण्टाया दुने कोरोना संक्रमणं न्याम्ह मन्त । थ्व नाप आःतक कोरोना संक्रमणं सीपि १ हजार ९१७ म्ह थ्यःगु दु।

Categorized in राष्ट्रिय