कोभिशिल्ड खोप थथें वइमखु : स्वास्थ्य मन्त्रालय
चौलागा एकादशी ११४१,बैसाबख २४ शुक्रवाः
स्वास्थ्य मन्त्रालयं भारतपाखे वइगु कोरोनाया ल्यंदनिगु खोप थथें मवइगु स्वास्थ्य मन्त्रालयं न्ह्यथंग्ु दु ।
मन्त्रालयया प्रवक्ता जागेश्वर गौतमं प्रेस विज्ञप्तिपाखें भारतया सेरम इन्स्टिच्युटलिसे २०गू लखः डोज कोभिशिल्ड खोप न्यायेगु सम्झौता जूगुलिइ न्हापांगु खेप १०गू लख डोज खोप वयेधुंगु तर ल्यंदनिगु १०गू लख डोज खोप थथें दइगु अवस्था मजूगु धाःगु दु ।
हलिंया परिस्थिति व भारतया अवस्थां थथें खोप हयेमपूmगु मन्त्रालयं न्ह्यथंगु दु । सेरम इन्स्टिच्युटं खोप आपूर्ति यायेत नेपाःयात प्राथमिकताय् तःसां कम्पनीइ मिं च्याःगु व क्षमता अप्वेकेगुलिइ पंगः ब्वलंगुलिं खोप हयेत लिबाइगु स्वास्थ्यमन्त्रालयया धापू दु । औषधि व्यवस्थापन विभागपाखें अनुमति काःगु मेगु कम्पनीया खोप न्यायेत कूटनीतिक पहल न्ह्यानाच्वंगु व खोप वयेगु झ्वलय् मन्त्रालयया दावी दु ।
कोभिसिल्ड खोप न्यायेगु सम्बन्धय् स्वास्थ्य सेवा विभागं निर्णय याइगु धासें खरिद प्रक्रियाय् नेपाल सरकार स्वास्थ्य मन्त्रालय तकं स्वाना वयाच्वंगु बुखँय् सत्यता मदुगु दावी मन्त्रालयया याःगु दु ।
भारतपाखें वइगु कोभिशिल्ड खोप विचौलिय पिनिगु हुनिं दिनाच्वंगु दसिलिसें बुखँ सार्वजनिक जुसेंलि स्वास्थ्य मन्त्रालयं विज्ञप्ति जारी याना खण्डन याःगु खः ।
