नेकपा प्रचण्ड–माधव नेपाल समूहया स्थायी कमिटी बैठक पेरिसडाँडाय् सुरु जुगु दु । आइतवाः निसे शुरु जुगु बैठकय् अध्यक्षता माधवकुमार नेपाल याना च्वंगु दु।

पुष्पकमल दाहाल प्रचण्ड जहान उपचारया लागि मुम्बई वनेवं नेपालया अध्यक्षताय् बैठक च्वःगु दु । थुगु समूह नं पुस ९ य् क्वचाःगु स्थायी कमिटी बैठकं प्रचण्ड व माधव नेपाल पालंपाः अध्यक्ष जुइगु निर्णय याःगु खः।

सोमवाः च्वंगु बैठकं संसद पुर्नस्थापनाबारे जुइगु संघर्षया ज्याझ्वःया बारे सहलह यायेगु कार्यसूची दु। पार्टी व जनवर्गीय संगठनया जिम्मेवारी बाँडफाँटबारे मापदण्ड दयेकेत माधव नेपालया हे संयोजकत्वय् कार्यदल दय्कूगु खः।

Categorized in राजनीति