सामाजिक सञ्जाल फेसबुकया ग्याजेट (आईफोन, घडी, मोबाइल लगायत) मिइगु सूचं तया लाखौं ठगे यायेगु गिरोहया मुख्य सदस्ययात ज्वःगु दु । महानगरीय प्रहरी परिसर, ललितपुरया विशेष टोलीं गिरोहया प्रमुख २८ दँया अजय धाःम्ह प्रमोद शाहयात ज्वःगु दु । यलया एसएसपी किरण बज्राचायया कथं वयात पर्साय् ज्वःगु खः।

‘फेसबुकय् कम्युटर, मोबाइल, घडी, ल्यापटप लगायत बजार मूल्य स्वया कम ध्यवाय् डेलिभर यानाबिइ धका ध्यवा कायेगु याइम्ह खः’, बज्राचार्य न धयादीगु दु, ‘थीथी लेयरया अनुसन्धान यायेगु झ्वलय् मुख्य मनूयात ज्वनागु दुं ।’ ललितपुर प्रहरीया इनापय् आइतवाः पर्साया प्रमोदया आईएमई सेन्टरय् प्रहरीे छापा मारे याःगु खः । पर्सा प्रहरीं चले याःगु अपरेशनय् ध्यवा छ्वया हःगु भ्वँ बरामद याःगु खः।

उगु भ्वँपाखे पीडितपिनिगु थप विवरण वइगु प्रहरीं भलसा काःगु दु । शाह नाप थ्व स्वया न्ह्यः वया ग्वाहालिमि मेवालाल शाह तेलीयात प्रहरीं ज्वःगु खः । उम्ह मनून एटीएम कार्ड छ्यला प्रमोदं ध्यवा लिकाइगु याना च्वम्ह खः। निम्हेसित ठगी सम्बन्धी कसूरय् म्याद थप यासे अनुसन्धान याःगु दु। उमिपाखे छगु करोड रुपैयाँ ठगी याःगु प्रहरी आशंका दु ।

Categorized in अपराध