चिकित्सा शिक्षा स्नातकोत्तरया शुल्क क्वःछीत
डंगोल | चर्तुदशी थिंलागा, ११४१ (२०७७ पौष २८ गते) मंगलबाः
चिकित्सा शिक्षा आयोगं स्नातकोत्तर तगिंया शुल्क क्वःछ्यूगु दु । एमडी व एमएस क्लिनिकल व एमडीएस क्लिनिकल अध्ययन यायेत २२ लख ९९द्वः तका क्वःछ्यूगु दु ।
अथे हे, एमडी व एमएस बेसिक साइन्स (ननक्लिनिकल) व एमडीएस नन क्लिनिकल अध्ययन यायेत १० लख ४८द्व ः सच्छि व ३५ तका क्वःछ्यूगु दु ।
एमडी आयुर्वेद ब्वनेत ९ लख २४द्वः ३सः व ६५, एमएन व एमएस्सी नर्सिङया लागिं ८ लख ८८द्वः २सःत्या, एमपीएचया लागिं नं ८ लख ८८द्वः व २सःत्या व एमफर्माया लागि ५ लख द्वःछि व ६सः तका क्वःछ्यूगु दु ।
एम एस्सी एम.एल.टी, एम.एस्सी एम.आई.टी, एम.एस्सी मेडिकल माइक्रोबायोलोजी.व.बायोकेमेस्ट्री अले एम.एस्सी बेसिक साइन्स अध्ययन यायेत ज्वलिंज्वः ७ लख ३१द्वः व ५ सः तका शुल्क क्वःछ्यूगु दु ।
एमफिल क्लिनिकल साइकोलोजीया लागिं धाःसा २ लख ९३द्वः ६सः व ४५ तका क्वःज्यूगु चिकित्सा शिक्षा आयोगं न्ह्यथंगु दु ।
