२०८१ आषाढ १२, बुधबार

बलेरो जिप दुर्घटना जुया ४म्ह सीत, १७म्ह घाःपाः

चिल्लागा, प्रतिपदा ११४१, चैत्र ३१ गते मंगलबाः

दोलखाय् वंगु चान्हय् सवारी दुर्घटना जुयाः प्यम्ह सीगु दु । सिन्धुपाल्चोकया तातोपानीं दोलखाया गौरीशंकर गाँपालिका वनाच्वंगु बोलेरो जिप विगु गाँँपालिकाया लादुकय् दुर्घटना जूगु खः ।
 
जिप दुर्घटनाय् १७म्ह घाःपाः जूगु प्रहरी निरीक्षक अन्जन कोइरालां पुष्टि यानादीगु दु । घाःपाः जूपिं मध्ये ५म्हेसिया अवस्था तच्वः । गुकिइ ५म्हसिया अवस्था तच्वः धाःसा निम्ह दोलखाय् व १५म्ह येँ वासः जुयाच्वंगु दु । 
 
प्रदेश ३–०१०२३–७५८० ल्याःया बोलेरो म्हिगः चान्ह्य १० ताः ईलय् दुर्घटना जूगु खः । दुर्घटनाय् बिगु ३ या २४ दँया विनो केसी, ४५ दँया अजित खत्री, ५२ दँया राधा खड्का व २४दँया चण्डिका खड्का सीगु खः । 
 
दुर्घटनाय् विगु–३ या वडाध्यक्ष श्रीराम खड्का नं घाःपाः जूगु खः । वय्कयात वासःया नितिं येँ हःगु दु । प्रहरी निरीक्षक कोइरालाया कथं दुर्घटनाय् १७म्ह घाःपा जूगु खः ।
 
गुकिइ ५म्हसिया अवस्था तच्वः धाःसा निम्ह दोलखाय् व १५म्ह येँ वासः जुयाच्वंगु दु । 
 
Categorized in अपराध