उपचारया लागि भारत वःम्ह पूर्वप्रधानमन्त्री डा. बाबुराम भट्टराई न सोमवाः थःगु स्वास्थ्य समस्याबारे चिकित्सकपि नाप परामर्श काःगुु दु ।

वयकलं नयाँ दिल्लीया ‘इन्ष्टिच्युट अफ लिभर एण्ड बिलिअरी साइन्सेस’य् थःगु समस्याया बारेमा चिकित्सकपि नाप परामर्श कयादीगु खः। वयकःया ताःई निसे प्वा सम्बन्धी समस्यापाखे पीडित जुया च्वनादीगु खः । वयकलं यलया निदान अस्पतालय् परीक्षण व उपचार याना वयाच्वनादीगु खः ।

आः चिकित्सकपिन्स न्युरो(इन्डोक्राइनया ट्युमर जुगु आशंका याना सल्लाह व सिफारिस यागुलि वयकः उकिया उपचारया लागि दिल्ली झायादीगु खः । भट्टराई मंगलवाः दिल्लीया ‘इन्ष्टिच्युट अफ लिभर एण्ड बिलिअरी साइन्सेस’ य् भर्ना जुयादी । भर्ना लिपा वयकःया थप स्वास्थ्य परीक्षण जुइत्यःगु खः।

Categorized in राष्ट्रिय