नागरिक समाजया न्ह्यलुवा डा. देवेन्द्रराज पाण्डे व कृष्ण पहाडीें संसद विघटन गैरराजनीतिक, गैरसवैधानिक, जनआकांक्षा विरोधी पला खः धका धयादीगु दु। थुकिइ प्रतिगमनया हे अंश तक खने दुगु धका धाःगु दु ।

डा. पाण्डे व पहाडीं आइतवाः मंका कथं वक्तव्य जारी यासे, ‘अमुक पार्टीया आन्तरिक ल्वापुर्इ  सम्बोधन याइगु स्वेच्छाचारी तवरं याःगु प्रतिनिधिसभा विघटन गैरराजनीतिक, गैरसंवैधानिक, जनआकांक्षा विरोधी व देय्या हित विपरीत खः । प्रतिगमनया हे अंश तक खनेदुगु थुगु ज्या अमान्य खः।’ धाःसे, ‘थ्व गलत पलाः सचे यायेमाःगु धाःसे प्रतिनिधिसभा पुनः सुचारु जुइगु व्यवस्था यायेत आहृवान याःगु दु।’

नाप  उमिसं थःपि लोकतान्त्रिक मूल्य मान्यताया धरोहर दाबी याइपि प्रमुख प्रतिपक्ष नेपाली काँग्रेसया सभापति शेरबहादुर देउवाया सदाबहार ढुलमुलया चरित्र थप च्यूताःया बिषय जुगु उल्लेख याःगु दु। भविष्यय् थ ज्याःगु गल्ति मयायेत प्रतिबद्धता सहित सुशासनया प्रत्याभूति ययोगु व सक्षम, सवल लोकतान्त्रिक प्रणालीें विकास व देय्या सर्वाङ्गीण उन्नतिया लागि मार्गचित्र तय यायेगु प्रतिनिधिसभा दुने व पिने राजनीतिक शक्ति व नागरिक समाज छप्व जुइत उमिसं आह्वान याःगु खः।

Categorized in राष्ट्रिय