२०८० चैत्र १६, शुक्रबार

निर्वाचन आयोगयात निर्वाचन प्रक्रिया रोकेयायेत इनाप

लहनान्युज | थिंंलागा त्रयोदशी ११४१, पुस २७ आइतवाः

नेकपा प्रचण्ड–माधव समूह नं निर्वाचन प्रक्रिया रोके यायेत निर्वाचन आयोगयात इनाप याःगु दु। प्रधानमन्त्री केपी शर्मा ओलीं पुस ५ गते प्रतिनिधिसभा भंग यासे वैशाख १७ व २७ य् मध्यावधि निर्वाचन घोषणा याःगु खः।

तर संसद विघटन असंवैधानिक खः धाःसे छगु दर्जन रिट बिःगु खः। उगु मुद्दा सर्वोच्चय् विचाराधीन जुयाच्वंगु खः। सर्वोच्चय् मुद्धा विचाराधीन जुगुलि निर्वाचनया प्रक्रिया रोके यायेगु माग यासे अध्यक्ष पुष्पकमल दाहाल प्रचण्ड व माधवकुमार नेपाल नाप शीर्ष नेतापि आयोगय् वःगु खः।

‘अवैधानिक प्रधानमन्त्रीें असंवैधानिक रुपं प्रतिनिधिसभा भंग याःगु मुद्दा सर्वोच्चय् विचाराधीन जुगुलि निर्वाचन प्रक्रिया न्ह्यने यकिइगु धइइगु अदालतयात दबाव बिइगु व अवज्ञा यायेगु थे खःं’, आयोगय् वना प्रचण्ड–माधव समूहया नेता रामनारायण विडारी धाःगु खः। आयोगया पदाधिकारीपिन्स धाःसा मतदाता नामावली संकलन रोके याना मतदान केन्द्र निर्धारणया ज्या जक जुगु धका लिसः बिःगु खः।

प्रचण्ड–माधव समूहया नेतापिन्स पार्टीया वैधानिकताय् विवाद आयोगं छ्वःग् पत्रबारे च्यूताः तःगु खः। आः निगु हे पक्षं विवरण अध्यावधिक जक खः धाःसे पत्र छ्वया हःगु धक आयोग वैधानिकता सम्बन्धी विवादय् प्रवेश याये फइ मखु धका धाःगु दु ।

Categorized in राजनीति