निर्वाचनया नितिं आयोगयात ८गू अर्ब मालिगु अनुमान
डंगोल | पोहेलाथ्व पंचमी ११४१, माघ ५ सोमवाः
सरकारं घोषणा याःगु मध्यावधी निर्वाचन यायेत ८गू अर्ब सिबें अप्वः ध्येबा आवश्यक जुइगु निर्वाचन आयोगं अनुमान याःगु दु ।
आयोगं निर्वाचनयात माःगु खर्चबारे म्हिग अर्थ मन्त्रालयलिसे सहलह याःगु खः ।
आयोगं म्हिग हे दलहरुत लिसे निर्वाचनया बारे सहलह याःगु खः ।
आयोगया प्रवक्ता राजकुमार श्रेष्ठं निर्वाचनबारे सहलह न्ह्याकाःगु धयादिल ।
वय्कलं निर्वाचन यायेत माःगु ध्येबाबारे अर्थ मन्त्रालयया छ्याञ्जेलिसे सहलह जूगु नं धयादिल ।
निर्वाचनया नितिं गुलि खर्च मालिइ धका धाय् मफुसां ८गू अर्ब सिबें अप्वः मालिगु अनुमान याःगु प्रवक्ता श्रेष्ठं धयादिल ।
प्रधानमन्त्री केपी शर्मा ओलीं पुस ५ गते प्रतिनिधिसभा विघटन याना वइगु वैशाख १७ व २७ गते मध्यावधि निर्वाचनया तिथि तकं घोषणा यायेधुंकुगु दु ।
तर प्रतिनिधिसभा विघटनया मुद्दा सर्वोच्च अदालतय् विचाराधीन दु । थुकिया निरन्तर सुनुवाइ जुयाच्वंगु दु ।
Categorized in राजनीति
