म्यानयू दकले न्ह्यःनय्
डंगोल | पोहेलाथ्व अष्टमी ११४१, माघ ८ विहीबाः
फुलहमयात बुकाः म्यान्चेस्टर युनाईटेड इंग्लीश प्रिमियर लिग फुटबलया दकले न्ह्यःनय् थ्यन ।
वंगु चान्हय् फुल्हमया ख्यलय् जूगु कासा म्यान्चेस्टर युनाईटेडं २–१ गोल अन्तरं त्याकूगु दु । कासाय् म्यान्चेस्टर युनाईटेडयात त्याकेबीत फ्रेन्च कासामि पउल पोग्बां ६५गूगु मिनेटय् निर्णायक गोल याःगु दु ।
थ्वसिवे न्ह्यः कासाया न्यागूगु मिनेटय् एडेमोला लुकम्यानया गोलमार्फत फुल्हम न्ह्यःनय् लाःगु खः । तर म्यान्चेस्टरया एडिन्सन काभानीं गोल यानाः कासायात हाकन ज्वलिंज्वः यानाब्यूगु खः ।
पाोग्बाया गोललिपा म्यानचेस्टर युनाईटेड हाकन प्रिमियर लिगया दकले न्ह्यःनय् थ्यंगु दु । १९गु कासापाखें युनाइटेडया ४०गु ल्या जुल । १८गु कासापाखें ३८गु ल्या दयेकूगु म्यान्चेस्टर सिटी निगूगु थासय् दु ।
वंगु चान्हय्या कासाय् सिटीं एस्टन भिल्लायात २–० गोलं बुकूगु दु । सिटीया नितिं बर्नार्डो सिल्भा व इके गुन्डोगानं छगोल छगोल याःगु दु ।
प्रिमियर लिगय् १९गु कासापाखें ३८गु ल्या दयेकूगु लेष्टर सिटी गोल अन्तरया लिधंसाय् स्वंगूगु थासय् दुसा प्यंगूगु थासय्च्वंगु लिभरपुलया ३४गु ल्या दु । लिभरपुलं थौं चान्हय् बर्न्लेनाप म्हिती ।
Categorized in कासा
