चेल्सीं शीर्ष थासय् दुगु म्यान्चेस्टर सिटीयात बुकल
चौलागा त्रयोदशी ११४१, वैशाख २६ आइतबाः
इंग्लिस प्रिमियर लिग फुटबलय् चेल्सीं शीर्ष थासय् दुगु म्यान्चेस्टर सिटीयात बुकूगु दु ।
वंगु चान्हय् जूगु कासाय् चेल्सीं सिटीयात २–१गू गोल अन्तरं बुकूगु खः । लिगया उपाधि त्याकेत्यंगु सिटीनाप चेल्सी बुइवं सिटीयात उपाधि त्याकेत छुं ई पीमालीगु जूगु दु ।
घरेलु मैदान इतिहाद स्टेडियमय् जूगु कासाय् सिटीया सुरुवाती छगोलया अग्रतायात पुइकाब्यूगु खः । चेल्सीं त्याकूगु कासाय् हाकिम जिएच व मार्कोस अलोन्सों छगोल छगोल याःगु दु ।
अथेहे सिटीया नितिं रहिम स्ट्रर्लिङं छगोल याःगु दु । कासा त्याःगुनाप चेल्सीं ३५गू कासाय् ६४गू ल्या दयेकाः स्वंगूगु थाय् सुरक्षित याःगु दु । उपाधिलिक्क थ्यंगु सिटी ८०गू ल्यानाप शीर्ष थासय् दु । सिटीयात उपाधि त्याकेबीत छगु जक ल्या मानि ।
Categorized in कासा
