एभर्टन ४३गू ल्याःलिसें न्हेगु थासय्
लहनान्यूज | सिल्लागा तृतीया ११४१, फागुन १७ मंगलबाः
इंग्लीश प्रिमियर लिग फुटबलय् एभर्टनं साउथह्याम्पटनयात १–० नां बुकूगु दु ।
वंग्ु चान्ह्य् थःगु ख्यःलय् जूगु कासाय् एभर्टनयात त्याकेत ब्राजिलियन कासामी रिचार्लीसनं निर्णायक गोल यात । त्यायेधुंका एभर्टनं प्रिमियर लिगया ल्याःया धलःखय् न्हापांगु प्यंगु थासय् लायेगु ह्वःता चूलाकूगु दु ।
२५गू कासां ४३गू ल्या तं एभर्टन न्हेगूगु थासय् लानाच्वंगु दु । छगू कासा अप्वः म्हितूगु कासाय् वेष्ट ह्याम युनाईटेड ४५गू ल्याःलिसें प्यंगूगु थासय् दु । न्हापांगु थाय्या म्यान्चेस्टर सिटीया ६२गू ल्या दु ।
उखे स्पेनिस लिग फुटबलय् रियाल मड्रिडयात रियाल सोसिडाडं छगू–छगू या ज्वलिंज्व याःगु दु । उगु ज्वलिंज्वलिपा रियाल मड्रिडं ला लिगाया ल्याः धलखय् निगूगु थाय्या बार्सिलोनायात त्याकेगु ह्वःता त्वःफिकूगु दु ।
ला लिगाय् २४गू कासां ५८गू ल्या याःगु एथ्लेटिको मड्रिड न्हापांगु थासय् लानाच्वंगु दु । निगूगु थासय् बार्सिलोना व स्वंगूगु थासय् रियाल मड्रिडया समान ५३गू ल्या दु ।
