एफ.ए कप कासाय् म्यान्चेटर सिटी व साउथह्याम्पटन त्यात
राम डंगोल | पोहेलाथ्व एकादशी ११४१, माघ ११ आइतवाः
एफ.ए कप फुटबलया प्यंगूगु झ्वया कासाय् म्यान्चेटर सिटी त्याःगु दु । म्यान सिटीं लिग टुया चेल्टेनह्याम टाउनयात १–३गू गोलं बुकूगु खः ।
कासाय् चेल्टेनह्यामया अल्फी में न्हापांगु यात । अथेहे सिटीया फिल फोडेन, ग्याब्रियल जिसस व फेरान टोरेसं १–१ गोल याना टोलीयात हाकनं न्ह्यनय् हःगु खः ।
थ्व जितलिसें सिटीं स्वान्सी सिटी विरुद्धया ५गूगु झ्वया पाँचौ झ्वयाया कासा क्वःछिउगु दु । स्वान्सी सिटीं वंगु चान्ह्य् नटिङ्घम फरेष्टयात ५–१गूलिं बुकल ।
एफ.ए कपया मेगु कासाय् साउथह्याम्पटनं आर्सनलयात १–० नां बुकूगु दु । कासाय् २४गू मिनेटय् आर्सनलया डिफेन्डर ग्याब्रियलं आत्माघाति गोल यासेंली साथह्याम्पटन १–० नां त्यागूगु खः ।
अथेहे डोन्कास्टरयात ४–०नां बुकाः वेष्ट ह्याम युनाईटेड व प्लाईमाउथयात २–१गूलिं बुकाः शेफिल्ड युनाईटेड धेंँधेँबल्लाया ५गूगु झ्वलय् थ्यंगु दु ।
