नक्कली धेबा छापे यायेगु मेसिनलिसें छम्हेसित ज्वन
चिल्लाथ्व नवमी, ११४१, चैत्र ८ आइतबाः
मेलम्चीइ नक्कली धेबा छापे यायेगु मेसिनलिसें छम्हेसित ज्वंगु दु । मेलम्ची नगरपालिका–१३ या राजाराम दनुवारयात ज्वनागु प्रहरीं धाःगु दु ।
नक्कली धेबा छापे यानाः कारोवार यानाच्वंगु सुचंया लिधंसाय् वयात म्हिगः मेलम्ची नगरपालिका–१२ स्थित बि आर एस मोबाइल हाउसं नक्कली नोट, नक्कली नोट छापे यायेत छ्यलीगु प्रिन्टरलिसें ज्वनागु इलाका प्रहरी मेलम्चीया प्रहरी निरीक्षक फलबहादुर तामाङं जानकारी बियादिल ।
ज्वनायंकूम्ह दनुवारबारे थप अनुसन्धान जुयाच्वंगु प्रहरीं न्ह्यथंगु दु ।
