लागुऔषधलिसें प्यम्हेसित ज्वन
पोहेलागा षष्ठी ११४१, माघ २१ बुधवाः
महानगरीय प्रहरी वृत्त गौशालाया टोलीं लागुऔषधलिसें ४म्हेसित ज्वंगु दु ।
ज्वंपि मोरङ्ग जिल्ला उर्लाबारी छेँय् जुम्ह येँ च्वनाच्वम्ह ४०दँया अम्मर बर्देवा, धादिङ्ग गल्छीया ३१ दँया राजु अधिकारी जूगु प्रहरीं धाःगु दु ।
अथेहे सिन्धुलीया २३ दँया सबिना कार्की व मकवानपुरया ४२ दँया कालू गोले यात नं ज्वंगु दु । उपिपाखें लागुऔषध पोल्याण्ड ३ किलो बरामद जूगु धाःगु दु ।
प्रहरीं लागुऔषधलिसें मोबाइल फोन ५ थान, छग मोटरसाइकल व ध्येबा २०द्वः न ज्वंगु दु ।