२०७७ माघ १२, सोमबार

परराष्ट्रमन्त्री ज्ञवाली थौं भारत भ्रमणय्

पोहेलाथ्व पारु ११४१, माघ १ बिहीवाः

परराष्ट्रमन्त्री प्रदीपकुमार ज्ञवाली भारतया नयाँदिल्ली प्रस्थान याःगु दु । भारतीय समकक्षी एस जयशंकरया औपचारिक निमन्त्रणाय् मन्त्री ज्ञवाली थौं भारत वने त्यःगु खः।

मन्त्री ज्ञवालीं नेपाल–भारत परराष्ट्रमन्त्री स्तरीय संयुक्त आयोगया बैठकय सहभागी जुइ। उगु बैठक स्वन्हु तक न्ह्याइ । परराष्ट्र मन्त्रालयया कथं संयुक्त आयोगया बैठक नेपाल–भारत द्विपक्षीय सम्बन्धया नाप व्यापार, ऊर्जा, सीमा, पारवहन, कोभिड–१९ सहकार्य, पूर्वाधार, कनेक्टिभिटी, लगानी, कृषि, पर्यटन लगायतया विषयय् सहलह जुइ।

भारत भ्रमणया झ्वलय् परराष्ट्रमन्त्री ज्ञवालीं उच्चस्तरीय राजनीतिक भेटवार्ता न जुइ त्यःगु खः। मन्त्रीया भ्रमण टोलीइ परराष्ट्र सचिव, स्वास्थ्य सचिव लगायतया अधिकारीपि दु थ्याकुगु दु ।

अथेहे मन्त्री ज्ञवाली शनिवाः स्वदेश लिहा वइ।

Categorized in राजनीति