२०८० चैत्र १६, शुक्रबार

घूस कयाच्वंगु ईलय् ज्वनः

डंगोल | पोहेलाथ्व सप्तमी ११४१, माघ ७ बुधवाः

यलःया लगनख्यःलय् च्वंगु भूमिसुधार तथा मालपोत ज्याकूया नायब सुब्बा मन्दिप कुमार श्रेष्ठ व लेखापढी व्यवसायी रमेशलाल श्रेष्ठ घुस काःगु ध्येबालिसें ज्वंगु दु । 
अख्तियार दुरुपयोग अनुसन्धान आयोग टंगालं वंगु टोलीं यलः महानगरपालिका–१२,
लगनख्यःया बसपार्क लिकसं सेवाग्राहीपाखें ४०द्वः ध्येबा घुस काःगु ईलय् निम्हेसितं मंगलबाः नियन्त्रणय् कयागु सहायक प्रवक्ता गणेशबहादुर अधिकारीं धयादिल ।
जग्गा हालसाविकया झ्वलय् ट्रायल चेक यायेत नक्सा कथंया क्षेत्रफल अप्वः दूगु मिलेयाय्त इमिसं उगु ध्येबा माग यानाच्वंगू धैगू सूचंया लिधंसाय् आयोगया टोलीं घूस कयाच्वंगु ईलय् ज्वंगु खः ।  
आयोगया सहायक प्रवक्ता अधिकारीया अनुसार नीम्हेसितं कजय् कया थप अनुसन्धान जुयाच्वंगु धयादिल ।
 
Categorized in अपराध