कतारं अवैध तरिकां लुँ हम्ह व लुँ काःवंम्ह निम्हसित प्रहरी नियन्त्रणय् कागु दु।

कतारं वम्ह सुवास गुरुङ व लुँ कायेत विमानस्थलय् थ्यम्ह तनहुँया टकबहादुर गुरुङयात विमानस्थल प्रहरीं धागु दु। आइतवाः कतार एयरवेजया उडान ल्याः क्यूआर–६५२ नं येँय् वंम्ह गुरुङया लगेज जाँच यायेगु झ्वलय् उगुु लुँ पिहावःगु खः।

चितवन भरतपुर छेँय् जुम्ह सुवासं डाइपरय् सुचुकाः हगु ३४४ दशमलव ९९ ग्राम लुँया मारचा व बाला बरामद यागु विमानस्थल सुरक्षा ज्याकुया एसएसपी राजेशनाथ बास्तोलां धयादिल ।

मचातयसं न्ह्याइगु डाइपरय् सुचुकाः हगु लुँ त्रिभुवन विमानस्थल भन्सार ज्याकुथियात सुवासयात नियन्त्रणय् कागु खः।

सुवासया बयानया आधारय् लुँ कायेत वम्ह तनहुँ व्यास नगरपालिका–९ या ३१ दँया टक बहादुरयात प्रहरीइ ज्वंगु खः। त्रिभुवन विमानस्थल भन्सार माःगु अनुसन्धान यानाच्वंगु दु।

Categorized in अपराध