सत्ता समीकरणया विषय प्रधानमन्त्री व जसपा दथुई सहलह
चिल्लाथ्व दशमी ११४१, चैत्र १० मंगलबाः
सत्ता समीकरणया विषयस प्रधानमन्त्री केपी शर्मा ओली व जनता समाजवादी पार्टी (जसपा) नेतापिं दथुई थौं बालुवाटारय् सहलह जूगु दु । उगु झ्वलय् प्रधानमन्त्री ओलीं जसपाया मागप्रति थःपिं सकारात्मक दूगु धयादिल ।
बालुवाटारय् प्रधानमन्त्री ओलीं जसपाया नायः महन्थ ठाकुर, वरिष्ठ नेता राजेन्द्र महतो व सरकार व थीथी दलत लिसे सहलह यायेगु झ्वलय् वार्ता कार्यादल दुजः लक्ष्मणलाल कर्ण व सर्वेन्द्रनाथ शुक्लालिसे प्रधानमन्त्रीं नापालानादिगु खः ।
वार्ताय् प्रधानमन्त्री ओलीं सरकारयात समर्थन यायेत इनाप यासें जसपाया मागयात सकारात्मक जूगु प्रतिक्रिया बियादिगु खः । जसपा नेतापिन्सं धाःसा थःपिनिगु मागय् सकारात्मक जूसा प्रधानमन्त्री ओलीं थथें प्रक्रिया न्ह्याकेत इनाप याःगु खः । उमिसं रेशम चौधरीया रिहाइलिसेंया न्यागू बुँदे माग तःगु खः ।
नापलाय्ज्याय् प्रधानमन्त्री ओलीलिसे एमाले नेता सुवास नेम्बाङ, प्रधानमन्त्रीया परराष्ट्र मामिलासम्बन्धी सल्लाहकार राजन भट्टराईपिनिगु उपस्थित दूगु खः । सत्ता समीकरणबारे जसपा निगु कित्ताय् विभाजन जुयाच्वंगु दु ।
तत्कालीन संघीय समाजवादी फोरमं गुगुन हालतय् ओली सरकारयात विस्थापन यायेगु पक्षय् खनेदु धाःसा तत्कालिन राजपा ओलीयात समर्थन याना सरकारय् वनेगु तयारी दूगु खनेदु ।
