थीथी ल्वाभःलिसें छम्हेसित ज्वन
चिल्लाथ्व पारु, ११४१ चैत १, आइतबाः
जिल्ला प्रहरी ज्याकू बाँकें राप्तीसोनारी गाँपालिकां अवैध ल्वाभलिसें छम्हसित ज्वंगु दु ।
राप्तीसोनारी गाँपालिका–५ या जबरपुरय् खोजतलासया झ्वलय् अत्याुधुनिक ल्वाभलिसें उगु हे गाँमय् च्वनिम्ह ६८दँया ऋषिरम थारुयात ज्वंनागु इलाका प्रहरी ज्याकू धामपुरया प्रमुख प्रहरी सहायक निरीक्षक फत्तेसिंह थारुं जानकारी बियादिल ।
वय्कयाकथं विशेष सूचंया लिधंसाय् प्रहरी टोलीं खोजतलास याःबले ऋषिरामया छेँय् भरुवा बन्दु निगू थान, काय् ओमप्रकास थारुया छेँनं छगू थान बारबोर बन्दु व किजा लालबहादुर थारुया छेँंपाखें छगू थान कटुवा पेस्तोल, उकिया माःगु बारुद छगू किलो, सटगनय् छ्यलिइगु खोका ५०गू व सटगन जेगीराउण्ड छगू थान, जरायोया न्यकू स्वंगु थान, फाया वा १०गू थान, चित्तलया वा प्यंगु थान व दुम्सीया पा त नं लुइकूगु दु ।
ज्वम्ह थारु वि.स.२०७४ या निर्वाचनय् देशभक्त जनगणतान्त्रिक मोर्चा नेपालपाखें गाँपालिका अध्यक्ष व बाँके १ नम्बर निर्वचन क्षेत्र “क” पाखें प्रदेशसभा दुजः उम्मेदवार तकं जुयादीगु खः ।
बिस्यूंवनाच्वंपिं लालबहादुर व ओमप्रकाशया मालेज्या जुयाच्वंग्ु प्रहरी सहायक निरीक्ष थारुं जानकारी बियादिल ।
