नरबुद्ध विहार ज्ञानमाला भजन संघया न्हूगु भजन म्ये सार्वजनिक
डंगोल | थिंलागा आमै ११४१ (२०७७ पौष २९ गते) बुधबाः
नरबुद्ध विहार ज्ञानमाला भजन संघं न्हूगु भजन म्ये सार्वजनिक याःगु दु ।
नरबुद्ध विहार नरः हाडिगामय् जूगु छगू ज्याझ्वः दथुइ भिक्षु पूण्ण स्थवीरं भजन सार्वजनिक यानादिल ।
उगु इलय् भिक्षु पूण्य स्थवीरं वुद्धया हसना दुगु थज्याःगु भजनया माध्यमं समाजयात सुसंस्कृत दयेकेत ग्वाहालि जुइगु बिचाः तयादिल ।
सार्वजनिक जूगु भजनया च्वमि पुर्णकाजी ज्यापु खःसा जगत डंगोलं लय् चिनादीगु दु ।
भजनयात दिपा महर्जन, रत्नशोभा महर्जन, मैयाँ प्रजापति, रुपा प्रजापति, नरेश डंगोल, राम प्रजापति, कृष्णलाल प्रजापतिं स्वरवद्ध यानादीगु दु ।
Categorized in मनोरन्जन
