भारतया आन्ध्र प्रदेशय बस व ट्रक ल्वाना १४म्ह तीर्थयात्री मन्त
सिल्लाथ्व तृतीया ११४१, फागुन २ आइतवाः
भारतया आन्ध्र प्रदेशय बस व ट्रक थःथवे ल्वाबलय् १४म्ह सीगु दुसा ४म्ह घाःपाः जूगु दु ।
दुर्घटना कर्नुल जिल्लाया मदरपुर गामय् आइतबार सुथसिया ४ ताः ईलय् जूगु खः । दुर्घटनाय ८म्ह मिसापिं व चालकलिसें ५म्ह मिजं व छम्ह मचा यागु ज्यान वंगु खः ।
उगु दुर्घटना चित्तुर जिल्लाया मदनपल्ले धाःगु थासय् अजमेर तीर्थयात्रा वनाच्वंपिं लाःगु खः ।
तीर्थयात्री दूगु बस अनियन्त्रित जुया मेगु दिशापाखें वयाच्वंगु ट्रक लिसे ल्वाबलय् उगु झाका जूगु खः ।
कर्नुल जिल्ला प्रहरीया कथं बसय् १८म्ह मध्ये ४म्ह मचापिं म्वायेत ताःलाःगु दुसा २म्ह मचापिनिगु अवस्था चिन्ताजनक धाःगु दु ।
