भारतय् सीपिनिगु ल्याः निगू लखः सिबें अप्वःल
चौलागा पारु ११४१,बैसाख १५ बुधवाः
भारतय् कोरोना संक्रमणया हुनिं सीपिनिगु ल्याः निगू लखः सिबें अप्वःगु दु । लगातार न्हेनूया दिंनय् नं स्वंगु लख सिबे अप्वःसित कोरोना संक्रमण पुष्टि जुबले आःतक्क सीपिनिगु ल्याः २गू लखसिबें अप्वःगु खः ।
भारतया स्वास्थ्य मन्त्रालयया कथं लिपांगु २४घौ दुने ३गू लखः ६०द्वः ९सः व ६०म्ह न्हूपिं संक्रमित थपू जूगु दु । गुकिइ महामारीया आः तकया हे अप्वः खः । अथेहे लिपांगु २४घौलय् स्वद्वः २सः व ९३म्ह संक्रमण हुनिं सीगु मन्त्रालयं न्ह्यथंगु दु । थ्व लिसें भारतय् संक्रमणका कारण मृत्यु जुपिनिगु ल्याः २ लखः, द्वछि, १सः व ८७म्ह थ्यंगु दु ।
भारत हलिंया हे दकले अप्वः संक्रमित जूगु दे अमेरिका धुंका निगूगु थासय् लाःगु दु । कोरोनाया निगूगु लहर न्ह्यायेधुंका दिल्ली, महाराष्ट्र, उत्तरप्रदेश, मध्यप्रदेश, गुजरात, छत्तीसगढ, कर्नाटकलिसेंया राज्यय् उच्च संक्रमण खनेदूगु दु ।
लिपांगु ईलय् नेपाःलिसे सीमाय् स्वापू दूगु राज्य संक्रमण अप्वयाच्वंगु दु ।
