२०७७ माघ ४, आइतबार

भारतय् कृषि कानुनयात लिछ्यात

डंगोल | चर्तुदशी, थिंलागा ११४१ (२०७७ पौष २८ गते) मंगलबाः

भारतया सर्वोच्च अदालतें मोदी सरकारं हःगु कृषि कानुनयात लिछ्यायेगु क्वःछिउगु दु ।
केन्द्र सरकारं हःगु ३गू कृषि कानुन सम्बन्धी लाःगु रिटय् प्रधानन्यायाधीश एसए बोब्डे, न्यायाधीशपिं एएस बोपना व भी रामासुब्रमण्यमया संयुक्त इजालसले मेगु उजं मवतले
उगु कृषि कानूनयात निलम्बन यायेगु फैसला याःगु भारतीय सञ्चार माध्यमं धाःगु दु । अथेहे अदालतं आन्दोलन यानाच्वंपि लिसे खँल्हाःबल्हाः यायेत छगू कमिटीया नं सिफारिस याःगु दु ।
उगु कमिटिं आन्दोलन यानाच्वंपिं बुँज्यामिलिसे खँल्हाःबल्हा याना रिर्पाेत दयेकि । प्रधानन्याधी बोब्डें मंगलबार याःगु उजनय् थःगु जिउधनया क्षति पनेतया नितिं समितिया प्रस्ताव याःगु धाःगु दु ।
सरकारं हःगु ३गू न्हूगु कृषि कानूनया विरोधय् थीथी राज्यया बुँज्यामित वंगु ५ला निसें आन्दोलन यनावयाच्वंगु दु ।  
Categorized in अन्तर्राष्ट्रिय