भारतय् संक्रमण अप्वःसेंलि खोप निर्यात मयाइगु
चिल्लाथ्व एकादशी, ११४१, चैत्र १२ विहीबाः
भारतं कोरोना बिरुद्धया खोप निर्यातय् रोक तःगु दु । कोरोनाभाइरस सङ्क्रमितया ल्याः अप्वयाच्वंबलय् वइगु वालय् घरेलु माग अप्वःइगु व खोप भारतय् हे आवश्यक जुइगु उमिगु धापू दु ।
भारतया खोप निर्माता सीरम इंस्टिच्युटं बेलायत व ब्राजिलया नितिं खोप निर्यातय् लिबाकाच्वंबलय् भारतया थुगु निर्णयलं आपालं देय्त प्रभावित जुइगु जूगु दु । भारतं अक्सफोर्ड–एस्ट्राजेनेका खोप आःतक्क ७६गू देशय् ६गू कोति खोप चूलाकेधुंकुगु दु ।
भारतय् छन्हूं हे ४७ द्वः कोरोना संक्रमित जूबलय् २ सः व ७५ म्ह सीइधुंक भारत सरकार कोरोना नियन्त्रणया उपाय अवलम्बन यायेगुपाखे न्ह्यागु दु । भारतय् वइगु अप्रील निसें ४५ दँ च्वयेय्या वैंश पुचःया मनूतयेत खोप बिइगु ज्याझ्व क्वजिउगु दु ।
भारतया थ्व निर्णय नापं नेपालं भारतं खरिद याःगु १०गू लख डोज खोप मवइगु जूगु दु ।
Categorized in अन्तर्राष्ट्रिय
