भारत व इङ्ग्ल्याण्ड दथुया ल्यं दूगु कासा बन्द रंगशालाय् जुइगु
चौलाथ्व तृतीया ११४१, चैत्र ३ मंगलवाः
भारत व इङ्ग्ल्याण्ड दथुया ल्यं दूगु कासा बन्द रंगशालाय् जुइगु जूगु दु । ५गू टी–२० कासाया नितिं भारतय् दूगु इङ्ग्ल्याण्डं निगू कासा म्हितेधुंकुगु दु । आः ल्यं दूगु ३गू टी–२० कासा बन्द रंगशालाय् जुइत्यंगु दु ।
भारतय् कोरोना भाइरस सङ्क्रमणया दर अप्वयावंगुलिं स्वास्थ्य सुरक्षा सावधानी नालाकया ल्यं दूगु कासा बन्द रङ्गशालाय् यायेत्यंगु खः ।
थ्वयान्ह्यः जूगु निगू टी–२० कासाय् सीमित दर्शकयात मैदानय् दुहाँवंके बिउगु खः । कासा स्वयेय्गु नितिं थ्वयान्ह्यः खरिद जुइधुंकुगु टिकटया ध्यबा लितबिइगु गुजरात क्रिकेट सङ्घं न्ह्यथंगु दु ।
गुजरात क्रिकेट सङ्घं बीसीसीआईलिसेया सहलहलिपा कासा बन्द रङ्गशालाय् यायेगु व टिकटया ध्यबा लितबिइगु निर्णय याःगु खः । ५गू कासाया टी–२० श्रृङ्खला छगू÷छगूया ज्वलिन्ज्वःलय् दु ।
Categorized in कासा
