भारतया मुम्बई शहरया भीडभाड जुइगु क्षेत्रय् कोराना परीक्षण अनिवार्य यात
चिल्लाथ्व नवमी, ११४१, चैत्र ८ आइतबाः
भारतया मुम्बई शहरया भीडभाड जुइगु क्षेत्रय् कोराना परीक्षण अनिवार्य याःगु दु । संक्रमितया ल्याः अप्वया वनेधुंकाः मुम्बईया स्थानीय सरकारं थ्व व्यवस्था याःगु खः ।
सपिङ सेन्टर, रेल स्टेशन थुज्वःगु क्षेत्रय् कन्हय्निसें व्यापक ¥यापिड टेष्ट याइगु धाःगु दु । परीक्षण यायेत अस्वीकार याइम्हेसित कारवाहीया तकं व्यवस्था जूगु अधिकारीतय्सं न्ह्यथंगु दु ।
मुम्बईलय् लिपांगु २४ घौ दुने करिब ३द्वः कोरोना संक्रमित अप्वःगु दु । भारतन्यंक धाःसा म्हिगः करिब ४१द्वः कोरोना संक्रमित अप्वःगु खः । थुगु ल्याः लिपांगु प्यला दुनेया हे अप्वः खः ।
भारतय् न्हिं ३०द्वः संक्रमित अप्वःगु म्हिगः स्वन्हुगु दिं खः । भारतय् कोरोनाया हुनिं सीपिनिगु ल्याः १ लख ५९द्वः थ्यंगु दु ।
Categorized in अन्तर्राष्ट्रिय
