आइपीएलय् पन्जाब किंग्संया रोमाञ्चक जित
चिल्लागा, प्रतिपदा ११४१, चैत्र ३१ गते मंगलबाः
पन्जाब किंग्सं चेन्नइलय् न्ह्यानाच्वंगु इन्डियन प्रिमियर लिग (आइपिएल) य् रोमाञ्चक जित चूलाकुगु दु ।
मुम्बइलय् वंगु चान्हय् जूगु कासाय् राजस्थानयात ४गू रनं बुका रोमाञ्चक विजयी सुरवात याःगु खः । जितया नितिं २सः व २२गू रनया विजयी लक्ष्य लिफ्यागु राजस्थानं २०गू ओभरय् ७गू विकेट छ्वया २ सः व १७ गू रन दयेकल । राजस्थानया कप्तान सञ्जु स्यामसनं ६३गू बलय् १२गू चौका व ७ गू छक्का नापं दक्वःलय् अप्वः सच्छि व १९गू रनया उत्कृष्ट शतकीय कीर्तिमानी इनिङ म्हितुसा नं टोली त्याये मफुत ।
वयान्ह्यः वानखडे स्टेडियम मुम्बईलय् टस बुना ब्याटिङ याःगु पन्जाबं निर्धारित २०गू ओभरय् ६गू विकेट छ्वया २ सः व २१गू रन दयेकुगु खः । पन्जाबया कप्तान लोकेश राहुलं ५०गः बलय् ७ गू चौका व ५गु छक्का नापं ९१गू रनया उत्कृष्ट इनिङ म्हितल । दीपक हुडां २८गः बलय् ४ गू चौका व ६गू छक्का नापं ६४गू रनया विष्फोटक इनिङ म्हितल ।
थ्वहे दथुइ आईपिएल क्रिकेटय् थौं निसें निगूगु चरणया कासात न्ह्यायेत्यंगु दु । थौं चेन्नाईय् जुइगु कासाय् कोलकाता नाइट राईडर्स व मुम्बई इण्डीयन्स दथुइ धेंधेंबल्ला जुइ ।
Categorized in कासा
