नेपाः सेयर बजारया (आईपीओ) आवेदनय् न्हुगु रेकर्ड कायम जूगु दु । नेपाल इन्फ्रास्ट्रक्चर बैंकया आईपीओय् १५ लाख २९ हजार ४६० ले १८ करोड १२ लाख ८६ हजार ७२० कित्ताया लागि आवेदन वःगु खः।

थ्व स्वया न्ह्यः चन्द्रागिरी हिल्स लिमिटेडय् १२ लाख ७७ हजारं आईपीओया लागि आवेदन बिःगु खः। ८ अर्ब रुपैयाँ आईपीओया लागि १८ अर्ब १२ करोड ८६ लाख ७२ हजार रकमया माग जुगु धका बैंकया धितोपत्र निष्काशन व बिक्री प्रवन्धक एनआइबीएल एस क्यापिटल न धाःगु दु। बैंकं ८ अर्ब रूपैयाँ बराबरया ८ करोड कित्ता सेयर प्रारम्भिक निष्कासन वःगु शुक्रवाः बजारय् हःगु खः ।

८ करोड मध्ये १ लाख ६० हजार कित्ता कर्मचारीया लागि व ४ लाख कित्ता म्यूचअल फण्डया लागि खः । बाँकी ७ करोड ५८ लाख ४० हजार कित्ता साधारण सेयर धाःसा सर्वसाधारणउा लागि छुटे याःगु खः ।

आवेदकपिनिगु ल्याः स्वया प्रति ५० कित्ता स्वया अप्वो आवेदन बिउपिन्ति आवेदन ५० कित्ताया हाराहारीइ सेयर लाइगु खनेदु ।

Categorized in राष्ट्रिय