आणविक सम्झौताबारे अमेरिकां याःगु सहलहया प्रस्ताव इरानं अस्वीकार
सिल्लागा द्वितीया ११४१, फागुन १७ सोमबाः
इरानं आणविक सम्झौता हाकनं लागू यायेगु खँय् अमेरिकां याःगु अनौपचारिक सहलहया प्रस्ताव अस्वीकार याःगु दु ।
इरानं थः विरुद्ध तःगु प्रतिबन्द मचिइकुतले वार्ताया वातावरण दयेकेज्या मजुइगु धका अमेरिका व युरोपेली युनियनया प्रस्ताव अस्वीकार याःगु खः ।
सन् २०१५य् भियनाय् जूगु आणविका सम्झौता तत्कालीन अमेरिकी राष्ट्रपति डोनाल्ड ट्रम्पं छखेर कथं भंग याना थःपिन्त द बाब बिउगु इरानया द्वपं दु ।
उगु आणविक सम्झौता कथं इरानं थःगु आणविक शक्ति उत्पादनयात छसिकथं क्वकाना यंकेगु धाःसा नं पालना मजूगु धका अमेरिकां सम्झौतायात छखेरं भंग याःगु न्ह्यथंगु खः ।
अमेरिकाया नेतृत्व परिवर्तन जूगु नापं राष्ट्रपनि जो वाइडेनं आणविक सम्झौतायात न्हूगु पहःलं लागू यायेगु धाःगु नापं छुं ला न्ह्यः इरानं वार्ता याये फइगु न्ह्यथंगु खः ।
तर राष्ट्रपति वाइडेनं सम्झौता पालना यायेमाःगु न्हापांगु शर्ता जूगु धाःगु नापं इरान वार्तां लिचिउगु खः ।
Categorized in अन्तर्राष्ट्रिय
