‘सिरी ए’ लय् युभेन्टसं क्रोटोनीयात ३–०या गोल अन्तरं बुकल
सिल्लाथ्व एकादशी ११४१, फागुन ११ मंगलवाः
इटालीयन लिग फुटबल ‘सिरी ए’ लय् युभेन्टसं क्रोटोनीयात ३–०या गोल अन्तरं बुकुगु दु ।
थःगु ख्यःलय् जूगु कासाय् युभेन्टसयात त्याकेत क्रिश्चियानो रोनाल्डों निगू गोल याःबलय् वेस्टन म्याक्केनीं छगू गोल थप याःगु खः ।
कासा त्यागु नापं युभेन्टस सिरी ‘ए’ या ल्याः धलःखय् ३गूगु थासय् थ्यंगु दु । २२ गू कासां उमिगु ४५ गू ल्याः जूगु दु ।
छगू कासा अप्वः म्हितूगु एसी मिलान ४९ गू ल्याः नापं निगूगु थासय् दुसा शीर्ष थाय्या इन्टर मिलानया ५३गू ल्याः जूगु दु । बूगु टोली क्रोटोनी धाःसा १२गू ल्याः नापं धलःया दक्वःलय् लिउने दु ।
Categorized in कासा
