इटली व फ्रान्सं हाकनं एस्ट्राजेनेका खोप अभियान न्ह्याकेगु
चौलाथ्व पंचमी ११४१, चैत्र ५ बिहीवाः
कोरोना विरुद्धया अक्सफर्ड–एस्ट्रोजेनेका खोपय् त्रुटी खनेदुगु धासें खोप बीगु बन्द याःगु इटली व फ्रान्सं हाकनं एस्ट्राजेनेका खोप अभियान न्ह्याकेगु निर्णय याःगु दु ।
थुगु खोपया हुनिं मनुखय् हि कुनीगु खतरा अप्वःगु संकेत खनेदुगु धासें हलिंया गुलिखे राष्ट्रतय्सं एस्ट्राजेनका खोप बीगु बन्द याःगुलिइ विश्व स्वास्थ्य संगठनं थुकी त्रुटी मदुगु पुष्टि गरेपछि यायेधुंकाः फ्रान्स व इटलीलं हाकनं थुगु खोप छ्यलेगु निर्णय याःगु खः ।
फ्रान्सया राष्ट्रपति इमानुएल म्याक्रों व इटलीका प्रधानमन्त्री मारियो द्राघीं डब्ल्युएचओ व युरोपियन मेडिसिन एजेन्सीं खोपय् त्रुटी मदुगु पुष्टि यायेधुंकाः खोप छ्यलेत्यनागु न्ह्यथंगु दु ।
थ्वयां न्ह्यः, डेनमार्क, नेदरल्याण्ड्स, नर्वे लिसें गुलिखे राष्ट्रतय्सं थुगु खोप छ्यलेगु स्थगित यायेधुंकाः निर्माता कम्पनीं स्पष्टीकरण ब्यूगु खः । डेनमार्क व नर्वेस म्ह्वः ल्याःया मनूतय्के खोप कायेधुंकाः हि कुंगु विवरण वयेधुंकाः खोप वितरण स्थगित याःगु खः ।
एस्ट्राजेनेका कम्पनीं ५० लख युरोपेलीतय्त खोप ब्यूबलय् ३०म्हेसिके जक अज्याःगु समस्या खनेदुगु धासें थुगु खोपं ब्वलंगु समस्या मखूगु प्रष्ट याःगु खःसा विश्व स्वास्थ्य संगठनं थुकी त्रुटी मदुगु स्पष्ट यायेधुंकूगु दु ।
Categorized in अन्तर्राष्ट्रिय
