येँया जनबहाः द्यःयात धलि लुइगु ज्या क्वचाःगु दु।

येँया जनबहाः कनकचैत्य महाविहारय् सनिलय् धलीं लुगु खः ।हिन्दूतय्सं हरिहर व बौद्धपिन्सं आर्याअवलोकितेश्वरया कथं पूज्याइम्ह जनबहाः द्यःयात पौष शुक्ल हरेक दँया अष्टमीइ धलीं लुईगु चलन दु ।

थुगु दिं हरेक दँया पौष शुक्ल अष्टमीया कुन्हु जनमा द्यःयात धलि लुइगु परम्परा दु। द्यःयात देगलं पिने जनबहालय् मण्डपय् तया धलि लुइगु परम्परा दु।

धलिइ लुइगु झ्वलय् भचाखुसी लः हःगु जलं द्यःयात स्नान याइ। उगु जलय् दुरु, धौं, घ्यः आदि मिलेयाना पंचामृतपाखे महास्नान यायेगु याइ। उगु झ्वलय् निकः तक ख्वाःगु लः व स्वकःया पालय् क्वाः लखं स्नान याइ । जनमा द्यःयात धलिं लुकेगु स्वयेगु लागि कुमारी माजु न जनबहालय् वया स्ववयेगु परम्परा दु ।

जनमा द्यःयात हिन्दुपिन्स मच्छिन्द्रनाथ व बौद्धमागीपिन्स आर्या अवलोकितेश्वरया रुपं कायेगु याः ।

Categorized in राष्ट्रिय