जनकपुरय् प्रदर्शनकारी व प्रहरी दथुइ ल्वापू, कजय् कायेत प्रहरी यात हवाई फायर
पोहेलागा सप्तमी ११४१, माघ २२ बिहीवाः
नेकपा दाहाल नेपाल पुचलं आह्वान याःगु बन्दया झ्वलय् जनकपुर धनुषाया शिवचोकय् प्रदर्शनकारी व प्रहरी दथुइ ल्वापू जूगु दु ।
ल्वापुइ प्रहरीं गोली तकं कयेकूगु दु । शिवचोकय् बन्दकर्तापिन्सं गाडी न्ह्याके मबिओं प्रहरीं ल्वापु जुबलय् प्रहरीं हवाई फायर याय्माःगु धाःगु दु ।
बन्दकर्तां प्रहरीया हे गाडीइ तक्कं तोडफोड यायबलय् हवाई फायर यानागु प्रहरीं धाःगु दु ।
प्रदर्शनकारीयात कजय् कायेत छुं राउण्ड हवाई फायर, अश्रुग्यास व गोली तकं छ्यलेमाःगु प्रहरीया धापू दु ।
लाठीचार्जया झ्वलय् नेकपा दाहाल–नेपाल समूहया नेता रामचन्द्र झालिसें ११म्ह व छुं प्रहरी तकं घाःपाः जूगु धाःगु दु ।
