जापानय् मौसम विज्ञान निकायं म्हिगः शनिवाः ६.९ रेक्टर स्केलया भुखाय् ब्बःगुलि सुनामी वये फइगु चेतावनी बिउसे उत्तरपूर्वी सामुद्रिक तटीय क्षेत्रया च्वपिन्त सचेत च्वनेत धाःगु दु।

सुरूइ ७.२ रेक्टर स्केल कम्पन जुगु अनुमान याःगु खःसा जापानी अधिकारीं ६.९ रेक्टर स्केलया पुष्टि जुगु धका धाःगु खः।

अमेरिकी भूगर्व विभागं जापानय् शनिवाः वःगु भुखाया धक्का ७.० रेक्टर स्केल खः धका धाःगु खः।

स्थनीय ई कथं शनिवाः सनिलया ६ बजे जुया ९ मिनेट वःगु इलय् महशुस याःगु धका केन्द्रबिन्दु मियागी क्षेत्रया प्रशान्त महासागरीय क्षेत्रया जमिन सतहपाखे करिब ६० किलोमिटरया गहिराइ दुगु जापानी मौसम विज्ञान निकायं धाःगु खः ।

Categorized in अन्तर्राष्ट्रिय