जापानय् संक्रमणया हुनिं संकटकाल
पोहेलागा पञ्चमी १४११, माघ २० गते मंगलबाः
कोरोनाया महामारी झन अप्वया वनेधुंकाः जापानय् संकटकाल हाकनं लच्छि ताःहाकयेकेगु तयारी जूगु दु ।
महामारी नियन्त्रणय् मवःनिगुलिं जापानय् लागू याःगु संकटकाल हाकनं ताःहाकयेकेमाःगु अधिकारीतय्सं न्ह्यथंगु दु ।
राजधानी टोकियोलिसें महत्वपूर्ण ११ सहरी क्षेत्रय् वइगु मार्च ७ तक्क संकटकाल ताःहाकयेकेगु तयारी जूगु दु ।
जापानया प्रधानमन्त्री योशिहिडे सुगां थ्व हे जनवरी ७ तारिखय् कोरोना संकटकाल घोषणा यानादीगु खः ।
संकटकालया ई ताःहाकयेकेगु लिपांगु घोषणा यायेन्ह्यः प्रधानमन्त्री सुगां सरोकारवाला अले विज्ञतलिसे सहलह यानादीगु धाःगु दु ।
आः लागू जुयाच्वंगु संकटलकाल वइगु फेब्रअरी ७ तारिखय् क्वचायेत्यंगुलिं प्रधानमन्त्री सुगां संकटकाल ताःहाकयेकेगु कि मखु धइगु निर्णय यायेमाःगु जूगु खः ।
जापानय् म्हिगः जक हे तँसा द्वःछि ७ सः व ९२ म्हेसिके संक्रमण पुष्टि जूगु खः । जापानय् कोरोनाया हुनिं आःतक्क ५द्वः ८ सः व ४६ सीधुंकूगु दु ।
Categorized in अन्तर्राष्ट्रिय
