२०८० चैत्र १५, बिहिबार

जोर्डनया पुलाँम्ह राजकुमार नजरबन्दय्

चिल्लागा सप्तमी ११४१, चैत्र २२ गते आइतबाः

जोर्डनया पूर्व राजकुमार हमजा बिन हुसैन नजरबन्दय् लाःगु दु । जोर्डनय् न्ह्यानाच्वंगु भ्रष्टाचार व सरकारी असक्षमता लिसें उत्पीडनया खँय् सार्वजनिक कथं न्ववागु द्वपनय् पुर्व राजकुमार हमजायात नजरबन्दया सजाय न्यंकुगु खः ।
 
राजकुमार हमजां थःपिन्त लाःगु द्वपं अस्वीकार यानावःगु दु । जोर्डनया सैन्य बलया चीफ अफ स्टाफ थःगु छेँय् वया छेँ नं पिहाँमवनेत , सुं लिसे नं नापलायेगुलिइ रोक तया नजरबन्दय् तःगु वयेकया धापू दु ।
 
देशय् अराजक स्थिति ब्वलंगु थःपिन्त महशुष जूसा नं थःपिन्सं गनंनं उगु खँय् न्वमवानाःगु दाबी यासें हमजां थःपिन्त अन्याय जूगु प्रतिक्रिया बिउगु दु ।
 
थ्वयान्ह्यः थुगु हे द्वपनय् देय्या उच्च तहया राजनैतिक दलया नेतापिं ज्वनेधुंकुगु दु । थ्वयान्ह्यः कोरोना भाइरसया महामारीनापं जोर्डनय् शक्तिशाली खुफिया एजेन्सी सक्रिय जूगु धासें मानवअधिकार संगठनं विरोध यानावःगु खः ।
Categorized in अन्तर्राष्ट्रिय