२०७९ श्रावण २५, बुधबार

कल्पना श्रेष्ठया न्हूगु म्युजिक भिडियो पिहावल

शोभा श्रेष्ठ | पोहेलाथ्व सप्तमी ११४१, माघ ७ बुधवाः

कल्पना श्रेष्ठया छपु म्येया म्युजिक भिडियोया प्रिमियर सम्पन्न जुःगु दु । उगु ज्याझ्वःया मूपाहाँ मध्यपुर थिमि नगरपालिकाया मेयर मदन सुन्दर श्रेष्ठं छगु ज्याझ्वः दथुइ कल्पना श्रेष्ठया म्ये ‘छंगु लँ स्वइच्वंगु मिखा’ बोलया म्येया म्युजिक भिडियो प्रिमियर यानादिगु खः ।

ज्याझ्वलय् मेयर श्रेष्ठं नगरपालिकाका कलाकार तयेगु प्रतिभा पितब्वये मखंका च्वने मालि मखु धका धासे कलाकारिताख्यःयात फुचाःगु ग्वाहालि यायेगु प्रतिबद्धता प्वंकादिगु खः। वयकलं कलाकार, कासाख्यलं मध्यपुर थिमिया इज्जत तयाच्वंगु दु धासे वयकपिन्त ग्वाहालि यायेगु जनप्रतिनिधिया कर्तव्य खः धका धयादिल । ज्याझ्वलय् साहित्यकार शशीकला मानन्धरं लसकुस न्वचु तयादिगु खःसा वरिष्ठ सिने पत्रकार नाप नेपालभाषा म्युजिक भिडियोया न्हापाम्ह निर्देशक  विजयरत्न असंबरें  प्रिमियर जुउगु म्येया समीक्षा यानादीगु खः ।

बयकलं थौंकन्हे नेपालभाषाया म्यूजिक भिडियो  ख्यलय् लगातार म्युजिक भिडियो पिहावया च्वंगु छगु लसताया खः धका धका धयादिगु दु। थौंकन्हे नेपालभाषाया म्यूजिक भिडियोया ल्याः जक मखसे गुणस्तरया नं बिकास जुउगु   म्येहालामि कल्पना श्रेष्ठं थःम्हेसिया थुगु म्युजिक भिडीयोया लागि यक्को मिहिनेत यानागु खँ कनादिल खः ।

उगु म्युजिक भिडियोया छायाङ्कन व सम्पादन मनोजरत्न शाही, निर्देशन राजन शाहीं यानादीगु खःसा कलाकारपि रविन्द्र शाही, रेश्मी महर्जन नाप कल्पना श्रेष्ठं अभिनय यानादीगु दु । म्ये विजय कायस्थं लसय् हनादीगुलि जुगल डंगोलं संगीत संयोजक व दर्शनबीर शाक्यं  च्वयादीगु खः।

Categorized in मनोरन्जन